من أكثر الأسئلة إللي بتوصلنا….
إيه أفضل ضبط للصوره علشان نحصل علي افضل جودة ؟
ونلاقي السائل باعت صور كتير لإختيارات و ضبط ومواضيع مالهاش آخر
.
الحقيقة ده سؤال غير منطقي و مؤشر كبير إن المستخدم مش فاهم وظيفة كل اختيار من اختيارات ضبط الصوره
الاختيار الوحيد المسؤل عن جودة الصورة المنقولة من الرسيفر إلي التليفزيون
هو فقط الرزليوشن
Resolution
لوشاشتك Full HD هتختار 1080p 50hz
لو شاشتك 4K&UHD هتختار 2160p 50hz
بس كده؟ ؟ بس كده 
طيب باقي الاختيارات الكتير دي لزمتها إيه؟
كلها خاصه بضبط الالوان او ضبط Hdr
وأفضل ضبط ليها إيه ؟؟
بنسبة كبيرة مش بتفرق نهائيا ولكن الافضل تخليها كلها Auto والجهاز بيضبطها تلقائيا لافضل وضع
ولو حبيت تضبطها إنت فهي كلها اختيارات بيتم ضبطها بالعين
فقط
إللي عينك شيفاه أفضل واريح و واضح ليك يبقي هو الافضل
انما كجودة صوره مش هيحصل أي تغيير
أخيرا ، امتلاك كابل HD جيد + تلفزيون جيد ليهم دور كبير في عرض صوره جيده بلاشك
