افضل معالجات اجهزة الفوريفر
اقوى معالجات اجهزة الفوريفر
مساء الخير
اجهزة الفوريفر تحمل معالجات كتيره ومختلفه
انواع ومواصفات من 3 عائلات (هاى سيليكون- ALI- GX) وقريبا روكشيب
كل معالج ليه خصائص و صفات و قدرات خاصه بيه
وكل معالج مصمم و موجه لفئه خاصه من الاجهزه والمهام المحدده بناء عليها بيتم تحديد نوع الجهاز الذى سيضاف اليه
طيب ايه هو افضل معالج؟
اكيد قبل ما نجاوب على السؤال ده لازم نفهم شوية حاجات بسيطه الاول
ايه هو المعالج؟
على عكس ما ناس كتير بتفكر ان كلمة CPU يعنى الكايس بتاعة الكمبيوتر
CASE
او الكيسه زى ما بيتقال عليها فى مصر وده غير صحيح
CPU هو
Central processing unit
وحدة معالجة مركزية
واللى بنقول عليه بالدارج #المعالج او البروسيسور وده اهم قطعه فى اى جهاز #اليكترونى
بس هل ياترى البروسيسور لوحده اهم شىء وكل شىء؟
لا طبعا….
البروسيسور هو #عقل الجهاز
القطعه اللى بتنظم وتتحكم فى كل عمليات الجهاز وتنسقها وتديها المهام الخاصه بيها
زى العقل البشرى بالظبط
بس استنى!!!!
العقل ده محتاج الروح اللى تخليه يقوم بوظائفه
الروح دى….. هى السوفت وير
فابروسيسور كويس مع سوفت وير سىء تكون النتيجه سيئه
كمان باقى المكونات هى بالظبط زى باقى اعضاء الجسم
فلو السوفت وير سىء هيبقى تشغيل العقل سىء والتحكم فى باقى اجزاء الجسم سىء
فالجهاز الناجح اللى يكون فيه عقل كويس ( البروسيسور)
روح او حياه تديه مهامه وتوصل بينه وبين باقى الاعضاء (السوفت وير)
واخيرا اعضاء الجسم اللى هتنفذ المهام دى بالشكل المطلوب ( تيونر, فلاش ميمورى , رام, فيجا, واى فاى , وغيرهم)
فالحكم على اى جهاز انه ممتاز من المعالج فقط هو حكم #خاطىء جداا
ايه هى اقوى معالجات الموجوده على اجهزه الفوريفر بالترتيب من الاقوى الى الاضعف؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1- فى المرتبه الاولى:- معالج هاى سيليكون من شركة هواوى
Hi3798MV200
الاقوى على الاطلاق
بيدعم كل شىء ممكن دعمه حتى الان , بيوفر افضل اداء فى كل شىء
- جودة صوره
- تعامل مع اى نظام تشفير مهما كان قوى
- اداء قوى جدا وسلسل وعمر طويل
- مافيهوش اى مشكله مع صوتيات او ترجمه او اى شىء
وده لانه معالج قوى جدا
- رباعى النواه
- بيدعم 4K بكل سهوله
موجود على كل اجهزة الفوريفر الاندرويد
TIGER T3000 & T3000 MEGA & T3000 EXTRA
MEDIA STAR Z1 &Z2 / STAR SAT X1 X 2 X3 X4 X7
GEANT 750 EVO &ALLURE
VISION EDGE
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
2- فى المرتبه الثانيه:-
ALI M2662
ALI M2661
المعالجين تقريبا حاجه واحده والاقوى بعد هاى سيليكون وده لانهم
- بيدعموا جودة 4K
- بيقدموا جودة صورة ممتازه جدا ككل الفئه بتاعتهم
- سعرهم اقل بكتير عن هاى سيلكون
- محتاجين فقط تحسينات فى السوفت وير لحل اى مشاكل عدم توافق بينهم وبين بعض الخدمات
موجودين فى كل اجهزة الفوريفر 4K الغير عامله بالاندرويد
زى تايجر 1 مليون / ميديا ستار 4030/ ستارسات HD200 / سبايدر فوريفر 30/ غزال R800/ رويال 8200/ نوفا اى ماك فلاي وماك برو / سيناتور القبطان / هايبر T500
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
3- فى المرتبه الثالثه:-
ALI M3526
ALI M3521
من اقوى المعالجات فى اجهزة FULL HD
- اداء قوى وثابت جدا
- بيقدموا جودة صوره ممتازه
موجودين فى اجهزة زى
تايجر تى 8 هاى كلاس والترا , تايجر تى 800 هايبر , تايجر تى 8 مينى الترا وغيرهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
4- فى المرتبه الرابعه
GX6828
GX6628
GX6621
الثلاثه تقريبا زى بعض مع افضليه بسيطه للأول عن التانى والتانى عن الثالث
ولكن اجمالا ال3 فى مستوى واحد تقريبا
- معالجات كويسه جدا ومنتشره فى اجهزه كتير
- سهلة فى تقبل اى تعديلات وتطوير فى السوفت وير
- مافيهاش اى مشاكل مع صوتيات او ترجمه وخلافه
متوفره فى اجهزه زى ستارسات 9090 وميديا ستار 15000 بمعالج GX6828
ستارسات 90000 اكستريم وكيوماكس H7 وايكولينك اوبن فيو 9 بمعالج GX6628
ستارسات 2000 اكستريم وستارسات T14 اكستريم و ايكولينك اوبن فيو 7 وسيناتور بلاتنيوم بمعالج وكيوماكس H8 الكبير GX6621
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
5- فى المرتبه الخامسه والاخيره معالج
GX6605
واحد من اشهر المعالجات الموجوده حاليا
- اداء جيد جدا بالنظر الى سعره البسيط
- بيدعم جودة صورة FULL HD
- بيتعامل مع جميع انظمة التشفير
- سعره معقول جدا مقابل ادائه المقبول بشكل كبير
- من عيوبه فقط جودة الصوره ليست كباقى المعالجات الاعلى منه
- ربما لا يدعم مستقبلا فوريفر IM الخاص بتشغيل قنوات زى سكاى المانيا
موجود على كل الاجهزه الفوريفرSE
زى سيناتور 3030 و4040 و جوكر اكس ماكس و 2020 , تايجر تى 8 و تى 9
كيوماكس H8 و H9 و H10 ,ميديا ستار 2727 و 2525 و 1010
وكل ما هو فوريفر SE
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخيرا…….
- كل معالج ليه سعره
- كل معالج بيكون مرتبط بامكانيات الجهاز الموجود فيه وفئته السعريه
- المعالج جزء مهم جدا ولكن ليس وحده اللى بيحدد نجاح المنظومه او فشلها
- السوفت وير مهم جدا فى اداء المعالج
- باقى مكونات الجهاز مهمه جدا فى اداء الجهاز ككل
- فى معالج جديد ظهر مؤخرا من نوع روكشيب لم يتم اضافته فى البوست قبل نزوله بشكل رسمى وتجربته والوقوف على كل مزاياه وعيوبه
شكرا جزيلا على هد المقال الرئع و المفيد
فقك لللإشارة هناك مواقع كثيرة توفر اخر التحديتات و السوفتويرات لأجهزة الإستقبال
و أضن أن أفضلها هو هدا الموقع : http://www.divsat.com