رسيفرات الاندرويد بين المزايا والعيوب

اجهزة  الاندرويد انتشرت بكثره مؤخرا
بمزايا ومواصفات مختلفه
وبإمكانيات واسعار متعدده
اختلف على تقييمها الكثيرين
بين مؤيد ومعارض
بين راضى وساخط
بين موافق ورافض
ومع انتشارها وفرضها لوجودها فى سوق الرسيفرات محليا وعالميا
تسبب فى حيره للمستخدمين بلاشك
مابين من يهوى التجربه والمغامره
وبين من يخشى المخاطره والندم
وكان لازم يكون لكل ده موضوع يوضح ويسهل ويبسط ويفسر كل ما يتعلق بالاندرويد
  • ماهو نظام التشغيل المسمى بالاندرويد؟
  • ماهى مزايا اقتناء رسيفر يعمل بنظام الاندرويد
  • ماهى عيوب اقتناء رسيفر يعمل بالاندرويد
  • امتى اشترى جهاز يعمل بالاندرويد وامتى لا اشتريه
  • ايه افضل نسخ اندرويد موجوده
  • ايه افضل اجهزه عليها اندرويد متوفره حاليا
لو بعد كل النقاط دى لقيت نفسك مش مهتم بالموضوع فتوقف عن القراءه الان
وان لقيت الموضوع جذب انتباهك و الهب حماسك و اثار شغفك و اشعل حبك للمعرفه و الاطلاع ف
  • ركز
  • واستوعب
  • وافهم
ويلا بينا
——————————————————–
1-ماهو نظام التشغيل المسمى بالاندرويد؟
نظام تشغيل مجانى ومفتوح المصدر مبنى على نواة لينكس صممته شركة جوجل فى الاساس والبدايه لاجهزة المحمول والتابلت التاتش
شركة اندرويد ظهرت فى البدايه سنة 2003 فى ولاية كاليفورنيا على ايد اندى روبن
فى 2005 اشترت شركة جوجل الشركه والمهندسين اللى فيها وطورت بعد كده النظام المعروف حاليا بالاندرويد
طيب يعنى ايه اصلا android ?
يعنى الانسان الاّلى او الريبوت اللى بيقدر يعمل وظائف معينه مبرج لها سابقا
——————————————————–
2- ماهى مزايا اقتناء رسيفر يعمل بنظام الاندرويد؟
مزايا كتير جدا مش هتقدر تمتلكها لو عندك رسيفر لا يعمل بالاندرويد
  • تقدر تنزل اى تطبيقات خاصه بالاندرويد على الرسيفر زى( فيس بوك – جوجل كروم- واتساب- تليجرام- ماسنجر)
  • تقدر تنزل برامج ip كتير جدا ومجانيه
  • تقدر وده الاهم انك تمتلك ترجمه احترافية مميزه جدا لاغلب الافلام وعلى قنوات بجودة صوره رهيب زى سكاى المانيا وقنوات HBO وقنوات YES MOVIES وغيرهم الكثير والكثير
  • تقدر تمتلك اكثر من مصدر صوتيات لقنوات B ان سبورت وترتاح من مشاكل الصوتيات الموجوده حاليا وترتاح من انتظار الشركه اضافة مصدر جديد وترتاح من كل مشاكل الصوتيات لانك هتقدر تنزل عدد لا محدود من برامج الصوتيات المجانيه اللى هتقدر تشغلها فى الخلفيه وتعمل تايم شيفت
  • مزايا تانيه اقل اهميه زى ربط الموبايل بالرسيفر بشكل كام مشاهده وتحكم وزى القدره على التحكم فى النظام بشكل اكبر واوسع
——————————————————–
3- ماهى عيوب اقتناء رسيفر يعمل بالاندرويد؟
زى ما كل شىء فى الدنيا ليه مزايا فبلاشك ليه عيوب
عيوب الاندرويد هى عيوب نسبيه, يعنى ايه نسبيه؟
يعنى اللى ممكن يكون عيب عند مستخدم قد لا يكون عيب عند مستخدم اخر
اللى صعب عند مستخدم قد لا يكون صعب عند مستخدم اخر
الغير مهم عند مستخدم قد يكون مهم عند مستخد اخر
ولكن اكيد فى عيوب رئيسيه مفيش اختلاف عليها وهى
  • صعوبة استخدام النظام والاستفاده منه عند الكثير من المستخدمين
  • وجود بعد المشاكل فى النظام من ثقل اداء النظام
  • دعم نظام الاندرويد ضعيف ومتأخر نظرا لكبر حجم السوفت وصعوبة التعديل السريع فيه
  • وجود بعض مشاكل فى اللانشر الخاص بالنظام لانه فى الاساس نظام الاندرويد معدل بشكل وطريقه معينه لتناسب اجهزة الرسيفر
——————————————————–
4-امتى اشترى جهاز يعمل بالاندرويد وامتى لا اشتريه؟
  • لو عندك القدره الماديه وعندك الوقت وحب التعلم والبحث والاكتشاف اشترى رسيفر اندرويد
  • لو عندك رغبه فى امتلاك رسيفر مرن وتقدر تطور فيه وتضيف عليه اشترى رسيفر اندرويد
  • لو مهتم جدا بإمتلاك رسيفر عليه برامج ترجمه مميزه اشترى رسيفر اندرويد
  • لو مهتم بالصوتيات واضافة اكتر من مصدر بنفسك دون انتظار احد اشترى رسيفر اندرويد
  • لو الرسيفر بالنسبه ليه مش مجرد جهاز استقبال وتشغيل القنوات فقط اشترى رسيفر اندرويد
  • لو لا تمتلك الميزانيه الكافيه لا تشترى رسيفر اندرويد
  • لو مالكش فى البحث والتجربه والاكتشاف وعايز تريح بالك لا تشترى رسيفر اندرويد
  • لو مش قد مشاكل النظام ومش مهتم نهائيا بمزاياها لا تشترى رسيفر اندرويد
  • لو عايز رسيفر فقط بسيط وسهل تشاهد بيه ماتريد بدون اى زياده لا تشترى رسيفر اندرويد
  • لو عايز رسيفر سهل فى الاستخدام وبسيط لا تشترى رسيفر اندرويد
  • لو عايز رسيفر دعمه قوى وسريع لا تشترى رسيفر اندرويد
  • لو عايز رسيفر صيانته اسهل لا تشترى رسيفر اندرويد
——————————————————–
5- ايه افضل نسخ اندرويد موجوده؟
  • اندرويد 7 الافضل حتى الان
  • ثم اندرويد 8
  • ثم اندرويد 9 اللى لسه محتاج تطوير كتير
——————————————————–
6- ايه افضل اجهزه عليها اندرويد متوفره حاليا
  • ايكون يأتى فى المرتبه الاولى والافضل لوجود اندرويد 7 عليه ونسخه هى الاكثر سهوله وبساطه واستقرار
  • ميديا ستار Z1 و Z2 وجيون 750 بنسختيه
  • تايجر T3000 العادى واكسترا وميجا
  • ستارسات X1 PRO
  • رسيفر بى اوت
كل ماسبق واى جهاز يعمل بأندرويد 7 هو الافضل
ثم يأتى
  • ستارسات X1 اكستريم و X3 اكستريم
وكل مايحمل نظام اندرويد 8
واخيرا
  • جيون 750 ايفو بالموديلين
  • ستارسات X7 وX4و X2
وكل مايحمل اندرويد 9 لانهم بهم الكثير من القصور وبحاجه الى دعم اكبر وتطوير
——————————————————–
اخيرا …
ماتشتريش رسيفر بالسمع او بالتوقع او بالتمنى
اشترى فقط ما تحتاجه ويلائم اهتمامتك وما يناسب قدراتك الماديه
اشترى الرسيفر اللى هترتاح معاه وتقدر تستفيد منه ولا تتعب نفسك فى جهاز صعب او غالى او مش هتقدر تستمتع بيه
——————————————————–
#دمتم__بخير
 
 

تعليق واحد

  1. باشمهندس عمرو باستاذن حضرتك إن أمكن حضرتك تدلني على رسيفر امكانياته كويسة جداً علشان ادعي لك في كل وقت أنا كنت خلاص قررت اجيب جيون 750 اللوري المعدن وبعد كده لقيت كلام كثير عليه وعلى الدعم الفني بتاعه وقبل كده كنت عايز اجيب ايكون اريون برو وظهر الأجهزة بتاعت سيناتور الجديدة وأنا الآن محتار جداً جداً جداً أرجو نصيحه من حضرتك لوجه الله سبحانه وتعالى من حضرتك ادعي لك عليها في كل وقت يعني مش مهم موضوع الفلوس على قد ما أنا عايز جهاز يكون امكانياته كويسة جداً ويوفر علي حاجات كثيره ويا ريت يكون اندرويد و 4 K علشان أنا عندي شاشه 4 K ربنا يجزاك الخير والسعادة والصحة والعافية والسرور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى