اعادة السيرفر و اتصال النت بعد فقدهما

اعادة السيرفر و اتصال النت بعد فقدهما
رسالة من عميل لينا امتلك احد اجهزة الفوريفر مؤخرا..
🛑عملت ضبط مصنع ومن بعدها اختفت تماما السيرفرات و قوائم الانترنت اعمل ايه؟
✅ مشكلة بسيطه سببها عدم امتلاك معلومه سهله ومهمه جدا لاى شخص يمتلك رسيفر عليه فوريفر او سيرفرات اخرى مدمجه من جوسات
  • سواء عملت ضبط مصنع كام للرسيفر وكل الضبط و ملف القنوات
  • او رجعت لسوفت قديم جدا او سوفت المصنع
  • او نزلت سوفت جديد فى بعض الاحيان
هتلاقى قوائم السيرفر والانترنت وربما الايبى اختفت تماما  وما بقتش قادر تعمل اتصال بالانترنت او تشغل السيرفر
وعلشان نرجعها لازم ندخل على وضع UART
وده يودينا لسؤال تانى مهم مش كتير عارفينه
🛑 ايه هو موضوع UART ده؟
✅ باختصار ده بروتوكل موجود فى اغلب الاجهزه اسمه
universal asynchronous receiver-transmitter
او بروتوكل الارسال والاستقبال العالمى الغير متزامن
وده من اكتر البروتوكلات المستخدمه فى الاتصال بين جهاز وجهاز اخر
دوره انه بينقل بيانات بشكل تسلسلى بين جهاز وجهاز اخر فى اى مكان سواء عن طريق الكابلات او الانترنت
🛑 طيب يعنى ايه المطلوب اعمله مش فاهم؟
✅ ببساطه هتكتب من الريموت اهم اختصار لازم تكون عارفه
F1 111
يعنى تضغط على زرار F1 فى الريموت (وماتقوليش مش موجود علشان بيطلع موجود فى الاخر بس العتب على النظر) ثم بسرعه بعدها رقم 1 ثلاث مرات
وبكده هيفتح معانا وضع UART
طبعا لازم تكون منزل للجهاز سوفت وير غير سوفت وير المصنع الاصلى
بعدها هيظهرلك القائمه اللى فى الصوره تحت
نختار منها اخر اختيار
✅ ENABLE INTERNET
او ✅تمكين الانترنت
🛑 طيب كده احنا عملنا ايه؟
كده فتحنا كل وسائل اتصال الجهاز بالسيرفرات الخارجيه والشبكات
وبعدها هتظهر كل حاجه وقوائم السيرفر وخلافه وتقدر تفعل السيرفر بعد كده بكل سهوله
لو اختارت الاختيار الاول
DISABLE ALL
هتقدر توقف كل طرق اتصال الجهاز بالانترنت و ايقاف اتصال السيرفرات واخفائها كمان
لو محتاج تعمل كده لأى ظروف او حماية الاطفال
ياريت تنشروا المعلومه قدر المستطاع
اعادة السيرفر و اتصال النت بعد فقدهما

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى