الــطــريق الــى الرسيفر الصـحيـح!!!
الــطــريق الــى 
الرسيفر الصـحيـح!!!
صـــباح الفــــل عليكـــم
اكتر من مرة اتكلمنا ونصحنا و وجهنا : ازاى المشتري يقدر يختار الرسيفر المناسب له
و حددنا الاختيار بين ” قدرات مادية” و “احتياجات فنية”
وبالفعل و الحمدلله لقينا تغير كبير خلال الفترة الأخيرة تمثل فى :-
اختفاء الأسئلة الغلط زى:-
ايه افضل رسيفر ؟الى…
ايه افضل رسيفر فى حدود مبلغ كذا ؟وده سهًل الإجابة, و أمسى السائل ضامن انه هيحصل على افضل اختيار ملائم لقدرتة #المادية
لكن…..
لا تزال فئه كبيرة محتارة وده لان التفضيل عن طريق ” القدرة المادية ” مش مناسب ليهم
لانهم ماعندهمش مشكلة فى “دفع” اى مبلغ مقابل الحصول على رسيفر #مميز
وهم بالفعل محتاجين افضل رسيفر بيقدم افضل جودة ممكنة ومش مشكلة عندهم نهائيا السعر حتى لو وصل 10 الآف جنيه
المهم يحصل على افضل : 1- جودة صورة 2-دعم 3- ترجمة 4- هاردوير
لذا…
فالبوست النهارده للمجموعة دى….
التى تبحث عن الجودة فقط و بأى سعر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طريق الفئة دى لإختيار افضل رسيفر هيتفرع الى طريقين مختلفين تماما
ولازم نحدد اتجاهنا علشان نصل فى النهاية الى افضل رسيفر فى نهاية الطريق….
الطريق الاول : طريق FULL HD الطريق الثانى طريق 4Kقبل ما تكمل قراية البوست لازم تكون #قررت هتمشى فى اى طريق علشان اوصًلك لأفضل نهاية ممكنة للطريق ده
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لو قررت تمشى فى طريق FULL HD :-يبقى هتبتعد تماما عن جودة 4K وعن الاندرويد
وبكده قدامك 3 اختيارات فقط هم الأفضل:
- سيناتور بلاتنيوم P2 ( من 2200 الى 2300)
- نوفا اى ماك (من 2200 الى 2300)
- ستارنت ايدج برو (من 2150 الى 2250)
دول افضل اختيارات فى الطريق ده ومفيش افضل منهم على الساحة
اى جهاز فيهم هيقدملك اللى محتاجه منه وزيادة ومش هتندم على شراؤه
مش علشان بس هم أجهزة جيده لا وعلشان كمان ده افضل المتاح فى الفئة دى (كهاردوير)
ـــــــــــــــــــــــــــــــــــــــــــــــــــــــــــــــــــــــــــــــــــــــ
لو قررت تمشى فى طريق 4K :-هنا الطريق ده هينقسم معاك لطريقين فرعيين ” اتجاه اجبارى”
الطريق الاول: رسيفر بدون اندرويدوهنا انت محتاج رسيفر 4K بهاردوير قوى + جودة صورة ممتازة ونظام سهل وسلس ومريح وعملى ومش محتاج اندرويد نهائيا
وافضل اختيارات عندك :
- تايجر ون مليونV5 + نوفا اى ماك فلاى +بريميوم 12800 بلس ,الأسعار ( 4950,4200,4500)
دول افضل اختيارات متاحة
ثم ……..
- نوفا اى ماك برو (3650الى 3750)
ثم……..
- سيناتور قبطان Q2 (3300 الى 3400)
دول افضل أجهزة 4k “بدون اندرويد” متوفرة فى السوق المصري مع دعم وخدمات جيدة جدا
الطريق الثانى : طريق الاندرويدوهنا هنروح لأعلي هاردوير وأعلي جودة صورة وافضل ترجمة واكثر الأنظمة مرونة وهو الاندرويد بمزاياه وعيوبه
وهتبقى افضل اختيارات ليك هى:-
جميع أجهزة املوجيك:-- تايجر ون بليون ( عادى , برو ,الكسندر (7300)
- ايكون فيدا ( 6100)
- ستارنت توين 4000 (5300)
- سيناتور هالك ( 5300)
- سكوب جى نوت (5250)
الترتيب حسب “السعر” وليس “الأفضلية” , وكلهم فى النهاية بيقدموا :-
نفس جودة الصور نفس الأداء نفس التيونر نفس العيوباختار اي موديل منهم بناء على قدرتك المادية و مين بيوفر مواصفات مناسبة ليك سواء مدد سيرفرات وخدمات بأنوعها او شكل لانشر او اكسسوارات
لو مش مناسب ليك املوجيك يبقى قدامك حل واحد:-- جيون 750 ايفو ( 5000 الى 5200)
لو مش فارق معاك الفوريفر يبقى عندك رسيفر ممتاز جدا:-- ثاندر بانثر (4800)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اعتقد فى نهاية هذا البوست
بقى الموضوع اسهل كتير والاختيار اصبح منحصر جدا فى اتجاهات محددة
دورك فقط تقرر ايه الطريق اللى محتاج تمشى فيه…
بداية من FULL HD ولا 4K وبعد كده الطريق هيوصلك تلقائيا لأفضل اختيار ليك
اخيرا:-
الأجهزة المرشحة فى البوست بناء عن معرفة و تجربة وتعامل “شخصى”
عدم وجود أجهزة أخرى ليس معناه انها “سيئه” او لا “تستحق” ولكننى لم اجربها فقط
