اقــــوى معـــالجــــات اجـهـزة الــفـوريفــر

اجهزة الفوريفر تحمل معالجات كتيره ومختلفه

انواع ومواصفات من 5 عائلات (املوجيك – هاى سيليكون – روكشيب – ALI- GX)

كل معالج ليه خصائص و صفات و قدرات خاصه بيه

وكل معالج مصمم و موجه لفئه خاصه من الاجهزه والمهام المحدده, بناء عليها بيتم تحديد نوع الجهاز الذى سيضاف اليه

طيب ايه هو افضل معالج؟

اكيد قبل ما نجاوب على السؤال ده لازم نفهم شوية حاجات بسيطه الاول

ايه هو المعالج؟

على عكس ما ناس كتير بتفكر ان كلمة CPU يعنى الكايس بتاعة الكمبيوتر

CASE

او الكيسه زى ما بيتقال عليها فى مصر وده غير صحيح

CPU

هو

Central processing unit

وحدة معالجة مركزية

واللى بنقول عليه بالدارج #المعالج او البروسيسور وده اهم قطعه فى اى جهاز #اليكترونى

بس هل ياترى البروسيسور لوحده اهم شىء وكل شىء؟

لا طبعا….

البروسيسور هو #عقل الجهاز

القطعه اللى بتنظم وتتحكم فى كل عمليات الجهاز وتنسقها وتديها المهام الخاصه بيها

زى العقل البشرى بالظبط

بس استنى!!!!

العقل ده محتاج الروح اللى تخليه يقوم بوظائفه

الروح دى….. هى السوفت وير

فابروسيسور كويس مع سوفت وير سىء تكون النتيجه سيئه

كمان باقى المكونات هى بالظبط زى باقى اعضاء الجسم

فلو السوفت وير سىء هيبقى تشغيل العقل سىء والتحكم فى باقى اجزاء الجسم سىء

فالجهاز الناجح اللى يكون فيه عقل كويس ( البروسيسور)

روح او حياه تديه مهامه وتوصل بينه وبين باقى الاعضاء (السوفت وير)

واخيرا اعضاء الجسم اللى هتنفذ المهام دى بالشكل المطلوب ( تيونر, فلاش ميمورى , رام, فيجا, واى فاى , وغيرهم)

فالحكم على اى جهاز انه ممتاز او سىء من خلال المعالج فقط هو حكم #خاطىء جداا

ايه هى اقوى معالجات الموجوده على اجهزه الفوريفر بالترتيب من الاقوى الى الاضعف؟

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

1- فى المرتبة الاولى: معالج املوجيك S905x3

Amlogic S905X3

احدث و اقوى واسرع معالج موجود حاليا على اجهزة الفوريفر

المعالج ليس جديد الصنع وموجود من سنوات , ولكن لاول مره يتم اعتماده من مصنع جلوبال واضافته فى الاجهزه الحامله لسيرفر فوريفر وده بسبب انتهاء دعم معالج هاى سليكون 3798 من فتره

المعالج بيقدم اداء عالى جدا بيلاحظه المستخدم فى اول ثوانى من استعمال الجهاز نتيجة سرعة الاداء العاليه للجهاز واستجابة الاوامر والتحريك بين القوائم , طبعا مدعوم ب4 جيجا رام واللى بتزيد من تفوقه العالى فى الاداء والسرعة والاستجابه السريعه لتنفيذ اى اوامر

طبعا المعالج بيدعم

جوة 4K 60 fps و جودة 8K 24 fps

بيدعم نظام تشغيل اندرويد

معالج رباعى النواة

منفذ USB 3

4 جيجا رام

ذاكرة داخليه عاليه سواء 32 او 64 جيجا و اكتر

جميع انظمة التشفير

كل المزايا المعروفه من تايم شيفت وصوتيات وترجمه و تطبيقات اندرويد

يعتبر المعالج الافضل والاقوى فى الدعم حاليا حيث يلقى اهتمام وتطوير كبير من المصنع

المعالج كمان مرن جدا فنقدر نشغل عليه تحويلات وانظمة تشغيل اخرى زى كور ايلك على سبيل الذكر

هيكون هو مستقبل اجهزة الاندروفوريفر فى الكام سنه الجايين وحيدا

موجود فى اجهزة زى تايجر 1 بليون وسيناتور هالك و ستارسات X77 وستارنت توين 3000

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

2- فى المرتبه الثانية:- معالج هاى سيليكون 3798 من شركة هواوى

Hi3798MV200

المعالج القوى جدا والشهير جدا والعملى جداا

بيدعم كل شىء ممكن دعمه حتى الان , بيوفر افضل اداء فى كل شىء

بيدعم 4K حقيقى

معالج رباعى النواة

رامات 2 جيجا

انظمة الاندرويد 7 و 8 و 9

طبعا USB 3

جودة صوره ممتازه

تعامل مع اى نظام تشفير مهما كان قوى

اداء قوى جدا وسلسل وعمر طويل

مافيهوش اى مشكله مع صوتيات او ترجمه او اى شىء

وده لانه معالج قوى جدا

رباعى النواه

توقف مؤخرا تصنيع المعالج واضافته فى اجهزة الفوريفر فلن نجد جهاز اندروفوريفر جديد مع المعالج ده للاسف

موجود على كل اجهزة الفوريفر الاندرويد

TIGER T3000 & T3000 MEGA & T3000 EXTRA

MEDIA STAR Z1 &Z2 / STAR SAT X1 X 2 X3 X4 X7

GEANT 750 EVO &ALLURE & VISION EDGE

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فى المرتبة الثالثة : معالج روك شيب RK3229

كان مخطط له ان يكون البديل لمعالج هاى سليكون 3798 ولكن للاسف لم يرقى الى هذا المستوى

المعالج بيدعم 4K طبعا

معالج رباعى النواة

بيدعم نظام تشغيل اندرويد

بيدعم USB 3

بيدعم رامات 2 جيجا

بيقدم اداء مقبول جداا

ولكن للاسف لم يحظى بالاهتمام او الدعم الكافيين من المصنع

موجود على اجهزة زى تايجر 3000 فوريفر و نوف اى ماك درويد

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

2- فى المرتبه الرابعة :-

ALI M2662

ALI M2661

المعالجين تقريبا حاجه واحده والاقوى بعد روكشيب وده لانهم

بيدعموا جودة 4K

لايدعموا الاندرويد

بيقدموا جودة صورة ممتازه جدا ككل الفئه بتاعتهم

سعرهم اقل بكتير من املوجيك وهاى سليكون وروكشيب

تعتبر المعالجات دى حاليا الافضل والاسرع والاسهل فى الحصول على تحديثات واضافات السوف وير المختلفه لسهولة وسرعة التعديل على سوفتاتهم

موجودين فى كل اجهزة الفوريفر 4K الغير عامله بالاندرويد

زى تايجر 1 مليون / ميديا ستار 4030/ ستارسات HD200 / سبايدر فوريفر 30/ غزال R800/ رويال 8200/ نوفا اى ماك فلاي وماك برو / سيناتور القبطان / هايبر T500

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

3- فى المرتبه الخامسة:-

ALI M3526

ALI M3521

من اقوى المعالجات فى اجهزة FULL HD

اداء قوى وثابت جدا

بيقدموا جودة صوره ممتازه

موجودين فى اجهزة زى

تايجر تى 8 هاى كلاس والترا , تايجر تى 800 هايبر , تايجر تى 8 مينى الترا وغيرهم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

4- فى المرتبه السادسة :

GX6828

GX6628

GX6621

الثلاثه تقريبا زى بعض مع افضليه بسيطه للأول عن التانى والتانى عن الثالث

ولكن اجمالا ال3 فى مستوى واحد تقريبا

معالجات كويسه جدا ومنتشره فى اجهزه كتير

سهلة فى تقبل اى تعديلات وتطوير فى السوفت وير

مافيهاش اى مشاكل مع صوتيات او ترجمه وخلافه

متوفره فى اجهزه زى ستارسات 9090 وميديا ستار 15000 بمعالج GX6828

ستارسات 90000 اكستريم وكيوماكس H7 وايكولينك اوبن فيو 9 بمعالج GX6628

ستارسات 2000 اكستريم وستارسات T14 اكستريم و ايكولينك اوبن فيو 7 وسيناتور بلاتنيوم و نوفا اى ماك وكيوماكس H8 الكبير GX6621

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

5- فى المرتبه السابعة والاخيره معالج

GX6605

واحد من اشهر المعالجات الموجوده حاليا

اداء جيد جدا بالنظر الى سعره البسيط

بيدعم جودة صورة FULL HD

بيتعامل مع جميع انظمة التشفير

سعره معقول جدا مقابل ادائه المقبول بشكل كبير

من عيوبه فقط جودة الصوره ليست كباقى المعالجات الاعلى منه

ربما لا يدعم مستقبلا فوريفر IM الخاص بتشغيل قنوات زى سكاى المانيا

موجود على كل الاجهزه الفوريفرSE

زى سيناتور 3030 و4040 و جوكر اكس ماكس و 2020 , تايجر تى 8 و تى 9

كيوماكس H8 و H9 و H10 ,ميديا ستار 2727 و 2525 و 1010

وكل ما هو فوريفر SE

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اخيرا…….

كل معالج ليه #مزاياه الفنيه وله #عيوبه

كل معالج له سعره

كل معالج بيكون مرتبط بامكانيات الجهاز الموجود فيه وفئته السعريه

المعالج جزء مهم جدا ولكن ليس وحده اللى بيحدد نجاح المنظومه او فشلها

السوفت وير مهم جدا فى اداء المعالج

باقى مكونات الجهاز مهمه جدا فى اداء الجهاز ككل