1- نقدر بعد مراجعة المنتج المراد شراؤه إننا نضغط على زرار التواصل في صفحة كل منتج اللى بيكون اسمه (تواصل معنا لإكمال عملية الشراء) بيكون لون اخضر وعليه علامة واتساب وده هيدخل حضرتك في محادثة مباشرة معانا نقدر نتفق فيها على كل التفاصيل وطرق الشحن و الدفع.
2- نقدر اثناء التصفح فى المنتجات اننا نضغط على الزرار الأزرق باسم (إضافة الى السلة) وفى النهاية لما ننتهي من اختيار كل المنتجات المطلوبة نضغط على علامة السلة فوق على شمال المتجر وبدوره هيحولنا على صفحة سلة المشتريات بيكون فيها كل المنتجات اللى اخترناها, بعد تحديد الكميات والتأكد من المنتجات اللى قررنا نشتريها هنضغط الزرار الأخضر ( تواصل معنا لإكمال عميلة الشراء) وده هيحولك الى محادثه مباشرة معانا عن طريق الواتساب.
3- الدفع بجميع الكروت البنكية مهما كان نوعها متاح عندنا سواء كرت راتب او حساب او كرت مشتريات لأي بنك او كرت ميزة وغيرهم , كمان تقدر من خلالنا تدفع بكرت مشتريات البنك الأهلي او بنك مصر وتقسط المعاملة من خلالنا وما تحتاجش تتصل بالبنك او تتواصل معاه للتقسيط.
4- كمان تقدر تدفع من خلالنا عن طريق فاليو او امان وتقسط بشكل مباشر من خلالنا بدون الاتصال بهم.
5- بيكون فيه فوائد على عملية التقسيط سواء كان التقسيط مع البنك او امان او فاليو
6- الفوائد كلها بتكون من البنك او فاليو او امان و احنا لا نتدخل فى نسبتها ولا نستفيد منها اى شىء
7- لو قررنا ندفع بأى كرت بنكى او فاليو او امان لازم نعرف انه بيتم احتساب 2% رسوم على إجمالي الفاتورة , الرسوم دى مقابل عملية الدفع أونلاين
8- لو حابين ندفع بالكروت البنكية او فاليو او امان لازم تتواصل معانا عن طريق الواتساب وتبلغنا بطلبك
9- الدفع الاونلاين بالكروت البنكية او فاليو و امان بيتم عن طريق عمل (لينك او رابط دفع) بيتم إرساله لحضرتك تدفع بيع فى مكانك بكل سهوله
10- طبعا متاح عندنا الدفع نقدا عند الاستلام وده مش بيكون فيه اى رسوم زى 2% او غيرها و بيكون فقط شامل سعر المنتج + تكلفة شحنه , وطبعا بناخد مصاريف الشحن فقط فى الأول و باقى المبلغ عند الاستلام
11- مش متاح الدفع بالكروت البنكية او فاليو او امان عند الاستلام , عند الاستلام بيكون الدفع كاش فقط لمندوب التوصيل
12- نقدر ندفع كمان من خلال تحويل المبلغ عن طريق انستاباى او فودافون كاش , سواء المبلغ بالكامل او جزء منه او مصاريف الشحن
13- اى منتج عندنا بيكون عليه ضمان تجربة لمدة 48 ساعة من حق العميل يجرب فيهم المنتج بشكل كافي ويتطمن على سلامة المنتج اللى وصله بشكل كامل
14- أجهزة الرسيفر المحلية بيكون عليها ضمان 48 ساعة تجربه مننا و بيكون عليها ضمان سنه من الوكيل الرسمي
15- فى حالة وجود اى عيب او مشكلة فى اى منتج خلال فترة التجربة الى هى 48 ساعه بيتم استبدال المنتج فورا من خلالنا وبدون اى تكلفة إضافية او مصاريف شحن على العميل, بشرط انه يكون لم يتم توصيل الإنترنت ( لو رسيفر) ويكون فى نفس حالته اللى وصل فيها سواء المنتج او علبته ومحتوياته
16- المنتجات المستوردة و التى ليس لها وكيل فى مصر بيكون ليها ضمان مننا لمدة ( 3 ايام كاملة ) بشرط عدم توصيل الإنترنت لو المنتج رسيفر
17- فى حال حدوث مشكله لا قدر الله فى منتج له وكيل رسمي فى مصر وبعد نهاية الـ 48 ساعه بيكون العميل هو المسؤول الوحيد عن التواصل مع الوكيل فى جميع الإجراءات
18- فى حال حدوث مشكلة فى منتج مالوش وكيل رسمى فى مصر وبعد نهاية الـ 3 ايام بيكون العميل هو المسؤول الوحيد عن صيانة المنتج وتكاليفه
